Caloocan City — Nagsagawa ng medical mission ang mga tauhan ng 5th Mobile Force Company ng Regional Mobile Force Battalion sa Hope Ville, Barangay 171, Caloocan City nito lamang Linggo, Nobyembre 20, 2022.
Ang naturang programa ay pinangasiwaan ni Police Major Mark Ronan B Balmaceda, Company Commander, sa pamamagitan ng gabay ni Police Colonel Jonathan Calixto, Force Commander ng RMFB-NCRPO kasama si Dr. G Sabino.
Nakapagbigay ng libreng gamot, konsultasyon at iba pang mga nauugnay na serbisyong medikal para sa mga kababayan nating nangangailangan ng tulong mula sa ating mga kapulisan.
Ito ay kaugnay sa peace at security framework ni CPNP PGen Rodolfo Azurin Jr, na M+K+K=K na MALASAKIT na tumutugon sa pagtulong sa ating mga kababayang mahihirap sa komunidad.
Source: RMFB NCRPO
Panulat ni PSSg Remelin M Gargantos
