Nagsagawa ang Police Regional Office 7 ng Medical at Dental Services bilang paggunita sa 29th Police Community Relations Month Celebration sa Camp Sergio Osmeña, Sr., Cebu City, noong ika-11 ng Hulyo 2024.
Ang nasabing aktibidad ay pinangunahan ng National Police Commission – Region 7 Central Visayas katuwang ang Police Regional Office 7 sa pamumuno ni Police Brigadier General Anthony Abellada Aberin, Regional Director, bilang bahagi ng 29th PCR Month na may temang “Ligtas Ka sa Bagong Pilipinas!”.
Ang Regional Medical and Dental Unit 7 sa pamumuno ni Police Lieutenant Colonel Marilen P Ignacio, Officer-In-Charge, ay naghandog ng medical at dental services na kung saan ang mga benepisyaryo ay ang mismong mga kapulisan at kanilang pamilya.
Masiglang tinangkilik ng mga kapulisan ng Central Visayas at ng kanilang mga pamilya ang nasabing programa na kung saan nakilahok rin ang Regional Police Community Affairs and Development Unit 7 sa pamumuno ni Police Colonel Leoncio B Baliguat Jr.
Ang naturang gawain ay may temang “Pamilya ng Pulis, Kalusuga’y Matatag at Ligtas, Tungo sa Bagong Pilipinas”.
Panulat ni Pat Grace Coligado
