Matagumpay na naisagawa ng mga tauhan ng Regional Community Affairs and Development Unit ng NCR (RPCADU NCR) ang Medical at Dental Mission para sa AFP at PNP dependents na ginanap sa AFP-PNP Village Phase 2, Barangay Pinagsama,Taguig City nito lamang Linggo, ika-11 ng Agosto 2024.
Ang aktibidad ay naisakatuparan sa pangunguna ni Police Lieutenant Colonel Randy D Alagao, OIC ng RPCADU NCR at ng kanyang butihing may bahay na si Dr. Laarni P. Cagurangan-Alagao, MD, MPA, MPH na siyang nanguna sa pagbibigay ng libreng konsultasyon para sa mga residente ng naturang lugar.
Katuwang din sa misyong ito ang Vanguard Anti-Crime and Corruption Task-Force kasama ang Inc.104th Technical & Administrative Services Group (Reserve), AFP-PNP Homeowners Association Inc., Barangay Pinagsama Staff, Pediatrica, Unilab Inc., Maynilad Water Services Inc., Unilab Incorporated at Ritemed Philippines Inc.
Tampok sa nasabing aktibidad ang libreng medical check-up, dental services, pamamahagi ng libreng gamot/bitamina at iba pang serbisyong pangkalusugan na dinaluhan ng tinatayang 250 na benepisyaryo.
Samantala, nagsagawa rin ang mga tauhan ng RPCADU NCR ng pamamahagi ng Information, Education and Communication (IEC) materials hinggil sa anti-terrorism at anti-illegal drugs para iparating sa publiko ang pagpapakalat ng mensahe sa kampanya ng gobyerno laban sa mga isyung nabanggit.
Ang aktibidad ay pangunahing prayoridad ng ating pamahalaan upang mabigyan ng libreng konsultasyon at gamot ang mga tao sa komunidad sa pakikipagtulungan ng mga stakeholders at PNP sa bansa para mapaunlad ang kalusugan at kaligtasan ng bawat isa tungo sa Bagong Pilipinas.
Panulat ni PSSg Remelin M Gargantos
