Cebu – Nagsagawa ng Medical at Dental Mission ang mga tauhan ng Regional Mobile Force Battalion 7 sa mga residente ng Barangay Dumalan, Dalaguete, Cebu nito lamang ika-26 ng Pebrero 2023.
Naisakatuparan ang naturang aktibidad sa pangunguna ni Police Colonel Ronan Rodriguez Claravall, Force Commander ng RMFB 7, katuwang ang mga miyembro ng Philippine Dental Association-Mandaue Chapter, Cebu Dental Volunteers at Elite Guardians sa pangunguna ni Mr. Henry Ricky P Cordero.
Tinungo ng mga kapulisan ang nasabing barangay upang makapaghatid ng serbisyong medical at dental gaya na lamang ng libreng konsultasyon, pagbubunot ng ngipin, pamamahagi ng mga libreng gamot at kasabay din nito ang feeding activity, libreng gupit at pamamahagi ng preloved na damit.
Samantala, lubos naman ang pasasalamat ng mga benepisyaryo sa tulong na binahagi ng ating kapulisan at iba pang ahensya ng pamahalaan.
Ang aktibidad ay hindi lamang isang pagsusumikap na makapagbigay ng mga libreng serbisyong medikal sa mga kababayan nating nasa liblib na lugar, ngunit nagsisilbi rin ito bilang isang tanglaw ng liwanag at pag-asa para sa mga taong may dinadaing na karamdaman na di sapat ang kinikita sa pag-araw-araw nilang pamumuhay.
