Nagsagawa ng inspeksyon at pagsubaybay ang mga tauhan ng Pudtol Municipal Police Station sa mga lugar na may posibilidad ng pagbaha at landslide kaugnay sa paghahanda ng Bagyong Kristine sa Pudtol, Apayao nito lamang ika-22 ng Oktubre 2024.
Ang aktibidad ay pinangunahan ng Pudtol MPS sa ilalim ng liderato ni Police Captain Grammar A Lumayyung, Acting Chief of Police, kasama ang mga kawani ng Local Disaster Risk Reduction and Management (LDRRM) at ilang intern na estudyante mula sa nasabing istasyon.
Layunin nito na tiyakin ang kaligtasan ng mga residente sa banta ng kalamidad.
Sinuri ang antas ng tubig sa ilog at iba pang daluyan, pati na rin ang mga lugar na kilala na madalas bahain at madaling magkaroon ng landslide.
Ang gawaing ito ay bahagi ng kanilang paghahanda upang mabilis na makapagbigay ng aksyon sakaling lumala ang sitwasyon dulot ng matinding pag-ulan.
Ipinapakita ng inisyatibang ito ng Pudtol PNP at LDRRM ang kanilang matatag na dedikasyon sa kaligtasan ng kanilang mga nasasakupan.
Panulat ni Patrolwoman Jeslie F Sabado
