Taguig City – Mainit na sinalubong ng mga kabataan ang nga tauhan ng Regional Mobile Force Battalion ng NCRPO para sa kanilang Masjid Visitation sa Maharlika, Taguig City nito lamang umaga ng Miyerkules, Agosto 30, 2023.
Ang naturang aktibidad ay pinangunahan ng SALAAM PNCO ng 7th Mobile Force Company ng RMFB sa ilalim ng pangangasiwa ni Police Captain Jul-Musa S Saat, Company Commander ng yunit.
Nagsagawa ng pagbisita, diyalogo at koordinasyon ang mga kapulisan sa Al Tameer Masjid na may kaugnayan sa Madrasa Kontra Droga Taekwondo Program para sa mga kabataang muslim.
Ang aktibidad na ito ay naglalayong lumikha ng pagkakaisa at maayos na ugnayan sa pagitan ng PNP at Muslim community upang itaguyod ang masigasig na pakikipag-ugnayan sa komunidad, at magkaroon ng kaayusan sa kanilang nasasakupang lugar.
Source: RMFB NCRPO
Panulat ni PSSg Remelin M Gargantos
