Pasay City – Nasamsam ang marijuana mula sa papalabas na pasahero sa Ninoy Aquino International Airport Terminal 4 nito lamang Abril 7, 2023.
Dalawang (2) vacuum sealed transparent plastic pouch na naglalaman ng hinihinalang marijuana at siyam (9) na piraso ng vape cartridge na naglalaman ng hinihinalang liquid marijuana ang naharang sa suspek na si G. Feihl Villanueva Tafalla, 26-anyos na Filipino citizen, residente ng Laguinbanua West Numancia, Aklan at pasahero patungong Kalibo.
Ayon kay Police Brigadier General Jerry Bearis, Direktor ng AVSEGROUP, na sa pag-frisking ng Security Screening Officer na si Von Christian R Panasan sa Final Security Screening Checkpoint, hiniling ng SSO Officer sa pasahero na i-divest ang kanyang kaliwa at kanang bulsa sa harap na nagresulta sa pagkatuklas ng hiwalay na transparent plastic ziplock na naglalaman ng umano’y marijuana.
Ayon pa kay PBGen Bearis, ang dalawang (2) vacuum sealed transparent plastic pouch na naglalaman ng humigit-kumulang 60 gramo ng pinaghihinalaang marijuana na may Standard Drug Price na Php84,000 at siyam (9) na piraso ng vape cartridge na naglalaman ng humigit kumulang 9 ml ng hinihinalang likidong marijuana na may tinatayang halaga na Php450.
Patuloy naman ang pagpapaigting ng seguridad sa bawat paliparan sa ating bansa lalo na’t marami ang pumapasok at lumalabas ngayong panahon ng kwaresma.
