Misamis Oriental – Inilunsad ang Mangrove Tree Planting Activity ng mga tauhan ng PNP Maritime Camiguin sa Brgy. Tagbocboc, Talisayan, Misamis Oriental nito lamang Oktubre 27, 2022.
Ito ay sa ilalim ng pangangasiwa ni Police Captain Jonas Raymund, Station Chief ng Camiguin Maritime Police Station, kaagapay ang Talisayan Municipal Police Station, Philippine Coast Guard Talisayan, Social Worker at Kagawad ng nasabing barangay.
Masigasig ding nakiisa ang Bayani ng Dagat Advocacy Support Group.
Sa kabuuan nasa 500 propagules ang matagumpay na naitanim ng nasabing grupo.
Layunin ng aktibidad na mapangalagaan ang ating likas na yaman at hinihikayat ng PNP ang mamamayan na makilahok upang mapanatili ang kagandahan ng ating inang kalikasan.
Panulat ni Patrolman Edwin Baris/RPCADU 10
