Daanbantayan, Cebu – Nagsagawa ng mangrove planting activity ang mga tauhan ng Daanbantayan Police Station sa Sitio Cortihan, Tapilom, Daanbantayan, Cebu nito lamang ika-16 ng Hulyo 2022.
Ang nasabing aktibidad ay pinangunahan ng Daanbantayan PNP sa pamumuno ni Police Major Marvin M Inoncencio, Chief of Police, na aktibong nilahukan ng mga miyembro ng BPATs, BPSO ng Brgy. Tapilon at ilang residente ng nasabing barangay.
Sa naturang aktibidad, tinatayang mahigit 70 mangrove seedlings ang naitanim ng mga lumahok.
Isinagawa ang pagtatanim bilang pakikiisa sa ika-27th Police Community Relations Month na may temang “Ugnayang Pulisya at Komunidad Tungo sa Mapayapa, Maayos at Maunlad na Pamayanan” at alinsunod na rin sa PNP Core Values na “Makakalikasan”.
Ang naging hakbang ng Daanbantayan PNP katuwang ang mamamayan ay isang magandang halimbawa ng aksyon na maaari nating gawin upang makaiwas sa tuluyang pagkasira ng ating kalikasan dulot ng polusyon.
###
Panulat ni Patrolwoman Kyla Hannah R Evangelista
