Cebu – Nagsagawa ang mga tauhan ng Barili Municipal Police Station ng Mangrove Planting Activity sa Barangay Barili, Cebu nito lamang ika-17 ng Pebrero 2023.
Ang aktibidad ay pinangunahan ni Police Captain Crisanto Arreglo sa direktang pangangasiwa ni Police Major Janus Giangan, Officer-In-Charge, katuwang ang mga miyembro ng Force Multipliers at maging ng mga residente at opisyales ng nabanggit na barangay.
Bahagi ang aktibidad sa mga programa na isinusulong ng grupo upang mapangalagaan ang kalikasan kung saan matagumpay na naitanim ang nasa 500 piraso ng halamang mangrove.
Ang aktibidad na ito ay naglalayong itaas ang kamalayan ng mga mamamayan sa kahalagahan ng kalikasan at ipahayag ang ating pagmamalasakit sa kapaligiran sa pamamagitan ng pagtatanim ng mga puno upang maging panangga sa pagbabago ng klima.
