Nagsagawa ang Mandaue City Police Office ng Medical at Dental Services bilang pagdiriwang sa ika-29th Police Community Relations Month sa Mandaue City Police Office, Andres Soriano Ave., Barangay Centro, Mandaue City, noong ika-15 ng Hulyo 2024.
Ang nasabing aktibidad ay inisyatibo ng Mandaue City Police Office sa pamumuno ni Police Colonel Julius B Sagandoy, City Director, katuwang ang Regional Medical and Dental Unit 7 at Mandaue City Health Office.
Ang mga kapulisan at kanilang mga pamilya ay nabigyan ng libreng medical and dental services handog ng Regional Medical and Dental Unit 7, sa pamumuno ni Police Lieutenant Colonel Marilen P Ignacio, Officer-In-Charge.
Kasama na nakiisa sa aktibidad ang Mandaue City Health Office sa pangunguna nina Dr. Celine Rose S. Alvor at Dr. Javairia A. Sabdullah na naghandog din ng health profiling, vital signs at blood pressure, at libreng checkup.
Nagbigay rin ng libreng HIV testing, STI testing, at screening para sa Hepatitis B at C ang Social Hygiene Clinic ng Mandaue City Health Office.
Masayang tinanggap ng mga benepisyaryo ang mga serbisyong handog ng mga kapulisan at ng lokal na pamahalaan.
Ang nasabing aktibidad ay pakikiisa sa pagdiriwang ng ika-29th Police Community Relations Month na may temang “Ligtas ka sa Bagong Pilipinas.”
Ang mga kapulisan ng Central Visayas, kasama ang iba’t ibang ahensya ng gobyerno, ay patuloy na maglulunsad ng ganitong mga aktibidad upang maipakita sa komunidad ang serbisyong hatid ng Bagong Pilipinas.
