Nagsagawa ang mga kapulisan ng Malilipot Municipal Police Station ng school visitation at lecture sa mga Criminology students ng Tabaco College Extension, na matatagpuan sa Barangay San Francisco, Malilipot, Albay noong ika-18 ng Pebrero 2025.
Ang aktibidad ay pinangunahan ni Police Captain Alex L Alcantara, Officer-In-Charge ng Malilipot Municipal Police Station.
Tinalakay ng mga tagapagsalita ang mga mahahalagang paksa tulad ng Republic Act 11313 o ang “Safe Spaces Act”, Road Safety, at ang mga probisyon sa Seksyon 19 at 35 ng Republic Act 4136 o ang “Land Transportation and Traffic Code”.
Bilang bahagi ng aktibidad, namahagi rin ng mga flyers ang kapulisan na naglalaman ng mga impormasyon ukol sa mga tinalakay na paksa, upang higit pang mapalaganap ang kamalayan tungkol sa mga batas at regulasyon na may kinalaman sa kaligtasan ng bawat isa.
Layunin nito na magbigay ng kaalaman at gabay sa mga mag-aaral upang higit nilang maintindihan ang mga isyu kaugnay ng kanilang kurso at responsibilidad bilang mga mamamayan.
Source: Malilipot Mps Albay Ppo
Panulat ni Doxie Charesse C Casasos
