Bilang mga alagad ng batas hindi lang natin ito ipinapatupad kundi naghahatid din tayo ng serbisyong may malasakit, iyan ang ipinakita ng butihing Direktor ng PNP Aviation Security Group na si Police Brigadier General Anthony A Aberin noong Enero 28, 2023.
Habang nag-aalmusal ang Heneral sa isang fast food restaurant sa Quezon City, may dumaang batang lalaki na nagtitinda ng prutas at iba pa, agad siyang nilapitan ng heneral at binili ang lahat ng kanyang paninda at nagbigay ng kaunting tulong.
Hinangaan ng heneral ang pagsusumikap at dedikasyon ng batang lalaki na sa murang edad ay tumutulong na sa kanyang mga magulang, pinayuhan din niya itong ipagpatuloy ang pag-aaral at pagbutihin pa ito dahil instrumento ito upang makaahon sa kahirapan.
“Bahagi ng ating misyon ay ipakita ang pagmamahal ng Diyos sa ating kapwa. Ang pagmamahal sa ating kapwa ay isa sa mga paraan upang maging maayos at mapayapa ang ating buhay at ng komunidad. Kung lahat ay marunong magmahal, tumulong, at magmalasakit sa kapwa, makakamit natin ang kaunlaran,” ani PBGen Aberin.
