Nagsagawa ng Community Outreach Program ang kapulisan ng Malabon City Police Station sa Barangay Catmon, Malabon nito lamang Linggo, Pebrero 25, 2024.
Ang aktibidad ay pinangunahan ni Police Captain Melvin T Duquilla, Acting Chief, CAS sa ilalim ng pamumuno ni Police Colonel Jay B Baybayan, Chief of Police ng istasyon kasama ang Revitalized-Pulis Sa Barangay (R-PSB Malabon), JTF-NCR at Local Government Unit ng lungsod.
Masayang tinanggap ng mga napiling benepisyaryo ng lugar ang ipinamahaging mga foodpacks at mainit na lugaw ng ating kapulisan.
Layunin ng gawaing ito ng pamahalaan katuwang ang Pambansang Pulisya na tulungan ang bawat mamamayang Pilipino sa pamamagitan ng pagbibigay ng mga alternatibong paraan upang labanan ang kahirapan at makamit ang maunlad at masaganang bansa.
Source: Malabon City Police Station NCRPO
Panulat ni PSSg Remelin M Gargantos
