Camp Crame (February 22, 2022) – Mainit na tinanggap ng mga tauhan ng Police Community Affairs and Development Group (PCADG) ang miyembro ng Rotary Club of Makati Circle of Friends sa kanilang pagbisita sa PNP Museum, Camp Crame bandang 10:30 ng umaga ng Pebrero 22, 2022.
Pagdating ng grupo ni Ms Nelia Cruz-Sarcol, miyembro ng nasabing Rotary Club, sinalubong sila ng Director ng PCADG na si Police Brigadier General Eric Noble at ilan pang mga opisyales nito.
Ikinagalak at namangha ang mga bisita sa paglibot sa naturang museum dahil sa mga makabuluhang artifacts at mga litrato na nakadisplay, kabilang na ang mga gamit ng mga bayaning pulis na nagbuwis ng buhay para sa bayan.
Naging emotional naman ang ilan habang pinapanood ang maikling video ng Special Action Force (SAF) Fallen 44. Ayon sa kanila, ang PNP Museum ay napaka- inspirational at educational na lugar.
Samantala, hinimok naman ng mga taga-PCADG ang lahat na nagbabalak bumisita rito na huwag mahiya at magdalawang-isip na pumunta upang sariwain ang makulay na kasaysayan ng pambansang pulisya.
###
Panulat ni Patrolman Kher D Bargamento
