Cagayan de Oro City – Patuloy na isinagawa ng Cagayan de Oro City PNP ang mahigpit na seguridad sa mga taong bibisita sa Bolunsuri Cemetery, Camama-an, Cagayan de Oro City ngayong Araw ng Patay, Nobyembre 1, 2023.
Pormal na binisita at ininspekyon ni Police Brigadier General Ricardo Layug Jr, Regional Director ng Police Regional Office 10 at Police Colonel Salvador Radam, City Director ng Cagayan de Oro City Police Office ang naturang sementeryo.
Ayon kay PBGen Layug, 2294 na personnel kabilang na dito ang mga miyembro ng Advocacy Support Groups ang madedeploy at magbabantay sa sementeryo, terminal ng bus, pantalan, at mga pasyalan.
Ayon pa kay PBGen Layug, ang Higalang Pulis ay nasa full alert status hanggang Nobyembre 4 upang masiguro ang kapayapaan sa Northern Mindanao.
Hinihimok din ng mga awtoridad ang publiko na manatiling mapagmatyag at maging alerto laban sa mga masasamang loob at anumang kahina-hinalang aktibidad upang maiwasan ang anumang insidente o krimen at isumbong agad sa pinakamalapit na istasyon ng pulisya.
Panulat ni Patrolman Edwin Baris
