Nasabat ang tinatayang Php81,600 halaga ng pinaghihinalaang shabu mula sa isang tinuturing na Street Level Individual (SLI) sa drug buy-bust operation ng Regional Drug Enforcement Unit 2 kasama ang PNP Tuao sa Barangay Bulagao, Tuao, Cagayan nito lamang Disyembre 7, 2023.
Kinilala ang suspek na si alyas “Jhon” , 32-anyos at residente ng Barangay Bulagao, Tuao, Cagayan.
Nakumpiska mula kay Jhon ang dalawang (2) pirasong heat-sealed transparent plastic sachet na naglalaman ng hinihinalang shabu na nasa 12 gramo at may Standard Drug Price na Php81,600.
Ang nadakip na suspek ay mahaharap sa kasong paglabag sa R.A. 9165 o Comprehensive Dangerous Drugs Act of 2002.
Ito naman ang naging pahayag ni Police Brigadier General Christopher Birung, Regional Director ng PRO 2, “Huwag tayong magkumpiyansa sa ating mga tagumpay. Hindi pa tapos ang laban natin sa ilegal na droga. Dapat nating ipagpatuloy ang pagbabantay at maagap sa ating mga pagsisikap. Ang kalakalan ng droga ay patuloy at dapat tayong mas magpursige upang unahan ang kanilang mga hakbang. Sama-sama tayong makakagawa ng pagbabago at lumikha ng isang mas ligtas at walang droga sa kapaligiran para sa ating mga kababayan”.
Source: Police Regional Office 2
