Aabot sa mahigit Php800,000 na halaga ng hinihinalang shabu ang nasabat ng mga kapulisan mula sa dalawang tulak ng droga na target sa buy-bust operation ng pulisya na isinagawa sa Sitio Omega, Barangay Sawang Calero, Cebu City, noong Marso 18, 2025.
Kinilala ni Police Captain Giann Karlo Reyes, Officer-in-Charge ng Police Station 6, Cebu City Police Office, ang suspek na sina alyas “Manoy”, 49 anyos, High Value Individual, residente ng Barangay Inayawan, Cebu City, alyas Kim, 32 anyos, Street Level Individual, residente ng Camella Homes, Barangay Lawaan, Talisay City, Cebu.
Dakong 11:55 ng gabi nang isinagawa ang buy-bust operation na humantong sa pagkaaresto sa mga suspek at pagkakumpiska ng 11 pakete ng hinihinalang shabu na nasa 120.15 na gramo at may Standard Drug Price na Php817,020, isang maliit na brown bag, at buy-bust money.
Mahaharap ang suspek sa kasong paglabag sa Sections 5 at 11 ng Republic Act 9165 o “Comprehensive Dangerous Drugs Act of 2002”.
Ang matagumpay na operasyon ay bunga ng maigting na pagtalima ng kapulisan sa pagsusulong ng programa ng pamahalaan upang labanan at matuldukan ang problema sa iligal na droga dahil sa Bagong Pilipinas, ang Gusto ng Pulis, Ligtas Ka!
