Sa patuloy na operasyon ng Police Regional Office 3 sa pagsugpo ng iligal na droga sa nasasakupan, mahigit Php6 milyong halaga ang nakumpiska sa Angeles City noong Oktubre 11, 2021.
Ayon sa ulat, sa ikinasang buy-bust operation ng Police Station 2-ACPO, CIU ACPO at CIDG CFU Angeles, sa harap ng Philippine Rabbit Bus Station, Brgy. Lourdes Northwest, Angeles City ay nagresulta sa pagkakaaresto ng suspek na kinilalang si Jerome Aguilar y Mejia alyas Jeff, 30 taong gulang, walang asawa, at residente ng Brgy, Tagumpay, Quezon City.
Nakuha mula sa suspek ang 10 piraso ng plastic ice packs ng hinihinalang shabu na may timbang na isang (1) kilo at nagkakahalaga ng Php6,800,000; isang Php1,000 bill marked money at isang (1) bulto ng Php1,000 bill boodle money.
#####
Article by Patrolwoman Maria Elena S Delos Santos
