Tabuk City, Kalinga – Tinatayang Php4,080,000 halaga ng marijuana ang narekober ng Tabuk City PNP sa Nambaran Junction, Tabuk City, Kalinga bandang 12:25 ng gabi nito lamang Mayo 7, 2022.
Ayon kay Police Brigadier General Ronald Oliver Lee, Regional Director ng Police Regional Office Cordillera, habang nagsasagawa ng anti-criminality checkpoint ang mga tauhan ng Kalinga City Police Station, isang TMX Honda tricycle na may plakang QY 2347 ang minamaneho ng hindi pa nakikilalang driver ang umiwas at tumakas sa nasabing checkpoint na agad naman itong hinabol ng mga kapulisan.
Ayon pa kay Police Brigadier General Lee, inabandona ng drayber ang minanehong tricycle sa nasabing junction kung saan nadiskober ang 34 dried marijuana bricks na may tinatayang bigat na 34,000 gramo at nagkakahalaga ng Php4,080,000.
Dagdag pa ni Police Brigadier General Lee, hindi pa rin matukoy ang pagkakakilanlan ng tricycle driver ngunit patuloy ang imbestigasyon para mahuli ang salarin.
Ang Tabuk City PNP ay lalo pang paiigtingin ang kampanya kontra ilegal na droga para maiwasan ang paglaganap ng mapapariwarang buhay ng mamamayan lalo na sa mga kabataan.
Source: Kalinga PPO
Panulat ni Patrolman Josua Reyes
