Nakamit ng Police Regional Office (PRO) 13 ang makabuluhang tagumpay sa walang humpay na kampanya kontra ilegal na droga mula Enero 1 hanggang Hunyo 30, 2024 na may kabuuang Standard Drug Price na Php42,484,545.80 sa 530 anti-ilegal drugs operations batay sa rekord nito lamang Hulyo 3, 2024.
May kabuuang 3,889.106 gramo ng shabu; 79.375 gramo ng marijuana; 2,750 gramo ng cocaine; at tatlong tableta ng ecstasy ang nakumpiska sa operasyon.
Ayon kay Police Brigadier General Alan M Nazarro, PRO 13 Director, pinangunahan ng Surigao del Sur Police Provincial Office (PPO) ang agresibong pagsisikap at nakumpiska ang Php12,856,440.80 halaga ng ilegal na droga, na sinundan ng Regional Drug Enforcement Unit na may Php11,913,273.20, at Surigao del Norte PPO na may Php9,565,654.40.
Bukod dito, nakumpiska ng Butuan City Police Office ang ilegal na droga na nagkakahalaga ng Php5,574,012.00, habang Php1,375,692.00 halaga ng shabu at marijuana ang nakuha sa Agusan del Norte PPO, at Agusan del Sur PPO na may Php1,163,527.40 na halaga ng mapanganib na droga.
Dahil dito, nasabat din ng Dinagat Islands PPO at Criminal Investigation and Detection Group-Regional Field Unit 13 ang ilegal na droga na nagkakahalaga ng Php32,546.00 at Php3,400.00, ayon sa pagkakasunod.
Batay sa mga rekord mula sa Regional Operations Division 13, ang mga operasyon ay humantong sa pagkakaaresto sa 583 mga suspek, kung saan 190 ang mga suspek na ikinategorya bilang mga High Value Individual at 393 bilang mga indibidwal sa antas ng kalye.
“These achievements highlight the collective efforts of PNP Caraga, in partnership with other law enforcement agencies and the people, in our shared mission to eradicate the illegal drug trade in the region,” ani PBGen Nazarro.
Panulat ni Patrolwoman Karen Mallillin
