Mahigit Php4.8 milyong halaga ng shabu ang nakumpiska mula sa isang drug suspek na umano’y tulak ng ilegal na droga sa isinagawang buy-bust operation sa Sitio BSJCO, Barangay T. Padilla, Cebu City noong Abril 3, 2025.
Kinilala ni Police Major Marvin Fegarido, Station Commander ng Police Station 1, Cebu City Police Office, ang suspek na si alyas “Mating”, 35 taong gulang, residente ng Sitio Kabulihan, Barangay Guba, Cebu City.
Ikinasa ang nasabing operasyon bandang 10:30 ng gabi na humantong sa pagkakaaresto sa suspek at pagkasamsam ng 24 pakete ng hinihilanag shabu na nasa 715 gramo at may tinatayang halaga na Php4,862,000, sling bag, at buy-bust money.
Mahaharap ang suspek sa kasong paglabag sa Republic Act 9165 o ang “Comprehensive Dangerous Drugs Act of 2002”.
Ang buong hanay ng mga kapulisan ay walang tigil sa mga operasyon laban sa iligal na droga at lalo pang papaigtingin ang kampanya upang masakote ang mga indibidwal na nasa likod ng mga ilegal na gawain na ito.
