Davao City – Tinatayang aabot sa Php376,320 halaga ng hinihinalang shabu ang nasabat sa isinagawang PNP – Task Force Davao Checkpoint sa Licanan, Lasang, Davao City, noong Hulyo 4, 2023.
Kinilala ni Police Major Robel Saavedra, Station Commander ng Bunawan Police Station, ang suspek na si alyas “Jerry”, 41, residente ng Brgy. Baybay, Malalag, Davao Del Sur at Top 5 High Value Individual sa City level.
Ayon kay PMaj Saavedra, inaresto ang suspek matapos makitaan ng pakete ng hinihinalang shabu sa isinagawang checkpoint ng pinagsamang tauhan ng Bunawan PS at Task Force Davao.
Dagdag pa ni PMaj Saavedra, nakuha mula sa suspek ang ilang pakete ng hinihinalang shabu na may bigat na humigit kumulang na 23.52 gramo na may street market value na Php376,320.
Ang suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Nagbabala ang Police Regional Office 11 na susupilin ang lahat ng mga magtatangkang magpasok ng ilegal na droga sa Rehiyon Onse. At muling nagpaalaala sa mga mamamayan na makipag-ugnayan at makipagtulungan na ireport ang mga ganitong ilegal na gawain.
Panulat ni Patrolman Alfred Vergara
