Malabon City — Umabot sa Php362,440 halaga ng umano’y shabu ang nasakote sa tatlong tulak ng droga sa isinagawang buy-bust operation ng mga tauhan ng Malabon City Police Station nito lamang Linggo, Agosto 6, 2023.
Kinilala ni PBGen Rizalito Gapas, District Director ng Northern Police District, ang mga suspek na sina alyas “Esmer”, 49, HVI, Pusher/Listed, babae, walang trabaho, may asawa at kasalukuyang naninirahan sa Del Rosario Street, Merville, Brgy. Dampalit, Malabon City; at alyas “Wally”, 43, Pusher/Newly Identified, lalaki, may asawa, vendor, kasalukuyang naninirahan sa 168 Sampaguita Street, Brgy. Tanza 1, Navotas City; at alyas “Garry”, 35, User/Listed, lalaki, may asawa, fish port laborer, kasalukuyang naninirahan sa Sacrista Street, Brgy. San Agustin, Malabon City.
Batay sa ulat, nangyari ang nasabing operasyon ng mga tauhan ng Station Drug Enforcement Unit-MCPS dakong alas-5:00 ng madaling araw sa kahabaan ng C. Arellano Street, Brgy. San Agustin, Malabon City.
Nasamsam sa mga suspek ang tatlong (3) piraso ng maliit na heat-sealed transparent plastic sachet at isang knot-tied transparent plastic bag na parehong naglalaman ng hinihinalang shabu na may kabuuang timbang na humigit kumulang 53.3 gramo at may Standard Drug Price (SDP) na Php362,440; isang (1) pirasong itim na supot; at isang Php1,000 pesos na may kasamang boodle money na ginamit bilang buy-bust money.
Mahaharap ang tatlo sa kasong paglabag sa RA 9165 o Comprehensive Dangerous Drugs Act of 2002.
Hindi naman magsasawang magsagawa ng mga operasyon ang kapulisan ng Northern Metro upang maging tahimik at ligtas ang kanilang nasasakupan.
Source: NPD PIO
Panulat ni PSSg Remelin M Gargantos
