Cebu City – Mahigit Php2 milyong halaga ng shabu ang nasabat sa isang suspek ng mga operatiba ng Cebu City Police Office sa isinagawang buy-bust operation nito lamang Sabado, ika-20 ng Agosto 2022.
Kinilala ni Police Colonel Ernesto Salvador T Tagle, Acting City Director ng Cebu City Police Office, ang suspek na si Ramsess Ceniza Racho alyas “Patis”, 38, residente ng Sitio Sta. Ana, Brgy. Labangon, Cebu City.
Ayon kay PCol Tagle, naaresto ang suspek bandang 2:00 ng hapon sa R. Duterte St. Banawa, Brgy. Guadalupe, Cebu City ng mga operatiba ng City Intelligence Unit at City Drug Enforcement Unit ng Cebu City Police Office.
Nakuha sa naturang suspek ang 300 gramo ng hinihinalang shabu na may Standard Drug Price na PhP2,040,000, black belt bag at buy-bust money.
Nahaharap si Racho sa kasong paglabag sa Section 5 at 11, Article II ng Republic Act No. 9165 o ang Comprehensive Dangerous Drugs Act of 2002.
Patuloy na papaigtingin ng Cebu City Police Office ang mga operasyon kontra ilegal na droga at anumang krimen upang mapanatili ang maayos at ligtas na komunidad.
###
Panulat ni Patrolman Aivan M Guisadio
