Mabalacat City – Tinatayang Php2,000,000 halaga ng hinihinalang shabu ang nasabat sa PNP buy-bust operation nito lamang Lunes, Mayo 16, 2022.
Kinilala ni Police Lieutenant Colonel Heryl Bruno, Chief of Police ng Mabalacat CPS ang suspek na si Julius Guillermo y Mariano alyas “Julius”, 30, residente ng Pulung Maragul, Angeles City, Pampanga.
Ayon kay PLtCol Bruno, nahuli ang suspek sa Brgy. Mawaque, Maragul, Mabalacat City, Pampanga ng pinagsanib puwersa ng Mabalacat CPS, Regional Police Drug Enforcement Unit 3 (RPDEU 3) at Special Concern Unit 3 – Regional Intelligence Division (SCU 3 – RID).
Dagdag pa ni PLtCol Bruno, nakumpiska mula sa suspek ang walong sachet ng hinihinalang shabu na may timbang na humigit kumulang 305 gramo na nagkakahalaga ng Php2,074,000; Php450 halaga ng pera; isang android cellphone; isang body bag; pera na ginamit bilang buy-bust money; isang timbangan at mga ID.
Nahaharap ang suspek sa kasong paglabag sa Section 5 at 11 ng Republic Act 9165 o Comprehensive Dangerous Drugs Act of 2002.
Patuloy pa rin ang ginagawang operasyon ng PNP para tuluyan ng mahuli ang mga gumagamit ng ilegal na droga at magkaroon ang isang lugar na ligtas mula sa droga.
###
Panulat ni Police Corporal Faith A Sangeles
