Davao City – Tinatayang nasa mahigit Php28 milyong halaga ng assorted smuggled cigarettes ang nasamsam ng mga awtoridad sa baybayin ng Minterbro Wharf, Brgy. Ilang, Davao City nito lamang Setyembre 26, 2023.
Ayon kay Police Brigadier General Alden Delvo, Regional Director ng Police Regional Office 11, 12 indibidwal na taga Basilan at isang taga Davao City ang naaresto sa naturang operasyon sakay ng isang sasakyang pandagat.
Tumambad sa mga awtoridad ang kahon-kahong assorted smuggled cigarettes na nagkakahalaga ng mahigit Php28 milyon.
Naging matagumpay ang operasyon dahil sa pagsisikap ng Davao City PNP, Task Force Davao, Bureau of Customs XI at sa kooperasyon at tulong ng mamamayan.
Nahaharap ang mga suspek sa kasong paglabag sa RA 4712 o An Act amending certain sections of Tariff and Customs Code of the Philippines.
Ang pagkakahuli sa mga suspek ay resulta ng magandang ugnayan at pagmamalasakit ng pulisya at komunidad tungo sa pagkamit ng isang maayos, payapa at maunlad na bansa.
Source: Task Force Davao
Panulat ni PSSg Grace Neville Ortiz
