Malabon City – Arestado ang tatlong lalake matapos magsagawa ng buy-bust operation ang mga tauhan ng Malabon City Police Station nito lang Martes, Agosto 15, 2023.
Kinilala ni PBGen Rizalito Gapas, District Director ng NPD ang mga suspek na sina alyas “Emong”, Pusher/Newly Identified, 23, fish vendor; alyas “Kwatog”, Pusher/Newly Identified, 45, construction worker; at si alyas “Tantan”, Pusher/Newly Identified, 26.
Ayon kay PBGen Gapas, nagsagawa ng planadong operasyon ang mga tauhan ng Station Drug Enforcement Unit-MCPS na may PDEA Coordination and Pre-Operation No. 10001-082023-0457 na nagresulta sa pagkakaaresto sa mga suspek dakong 5:30 ng madaling araw, sa kahabaan ng Dr. Lascano Street corner P. Aquino Avenue, Brgy. Tugatog, Malabon City.
Nasamsam ng mga awtoridad ang pitong (7) piraso ng heat-sealed plastic transparent sachet na bawat isa ay naglalaman ng hinihinalang shabu na nagkakahalaga ng Php200,940, isang (1) piraso ng tunay na Php500 na ginamit bilang buy-bust money; at isang (1) black na coin pouch.
Dinala ang mga naarestong suspek sa ospital ng Malabon para sa medical verification at pagkatapos ay dinala sa istasyon at mahaharap sa kasong 9165 o Comprehensive Dangerous Drugs Act of 2002.
Ang matagumpay na pamamalakad at pagsasagawa ng mga operasyon ng kapulisan ng Northern Metro ay isa sa mga paraan upang mabawasan ang pagkalat ng ilegal na droga para sa isang ligtas, maayos at mapayapang komunidad.
Source: NPD PIO
Panulat ni PSSg Remelin M Gargantos
