Nasakote ng Tagbilaran PNP ang mahigit Php2.4 milyong halaga ng hinihinalang shabu mula sa isang High Value Individual sa isinagawang buy-bust operation sa Baguio Drive, Purok 5, Barangay Taloto, Tagbilaran City, Bohol, noong ika-4 ng Hunyo 2024.
Kinilala ni Police Lieutenant Colonel Homobuno Romero Sayon, hepe ng Tagbilaran City Police Station ng Bohol Police Provincial Office, ang suspek na si alyas “Insik”, 54 anyos, at residente ng Sitio Kasangaan, San Roque, Maribojoc, Bohol.
Ayon kay PLtCol Sayon, bandang 10:42 ng gabi ng ikinasa ang nasabing buy-bust operation na nagresulta sa pagkaaresto ng suspek at pagkakasabat ng 5 pakete ng hinihinalang shabu na may timbang na 360 gramo at may Standard Drug Price na Php2, 448, 000, brown na pouch, dark blue na backpack, vivo cellphone at buy-bust money.
Ang matagumpay na operasyon ay bunga ng pinagsanib pwersa ng Tagbilaran City Police Station at Philippine Drug Enforcement Agency (PDEA).
Ang suspek ay mahaharap ito sa kasong paglabag sa Republic Act 9165 o Comprehensive Dangerous Drugs Act of 2002.
Ang kapulisan ng Bohol katuwang ang iba’t ibang ahensya ng pamahalaan ay patuloy sa pagpapaigting ng kanilang kampanya kontra ilegal na droga dahil sa Bagong Pilipiinas, ang gusto ng pulis, ligtas ka!
SOURCE: Tagbilaran CPS SR
Panulat ni Pat Grace Coligado
