Mahigit Php2.1 milyong halaga ng dried marijuana leaves ang nadiskubre ng mga otoridad sa isinagawang patrol at river monitoring sa kasagsagan ng Bagyong Kristine sa FF Cruz, Purok 6, Bulanao, Tabuk City, Kalinga noong ika-25 ng Oktubre 2024.
Ayon kay Police Colonel Gilbert A Fati-ig, Provincial Director ng Kalinga Police Provincial Office, nakatanggap ng ulat mula sa isang concerned citizen ang Tabuk City Police Station mula sa isang construction worker sa Chico River flood control project, at nadiskubre ang isang kalahating sako ng pinaghihinalaang marijuana bricks sa may riverbank habang sila ay nangingisda.
Naging matagumpay ang nasabing operasyon sa pangunguna ng Tabuk City Police Station at sa pakikipagtulungan ng Barangay Kagawad ng Barangay Bulanao Centro, Tabuk City, Kalinga.
Ang operasyon ay nagresulta sa pagkadiskubre ng isang puting sako at may 18 bricks ng dried marijuana leaves na may timbang na mahigit kumulang 18 kilograms na nagkakahalaga ng Php2,160,000 Standard Drug Price.
Ang matagumpay na operasyon na ito ng Kalinga PNP ay bilang pagsuporta sa isinusulong ng Pangulong Ferdinand R Marcos Jr., na Whole-of-Nation Approach na kinakailangan para supilin ang paglaganap ng ipinagbabawal na gamot sa ating bansa tungo sa mas mapayapang Bagong Pilipinas.
Panulat ni Patrolwoman Melanie Amoyong
