Nasabat ang mahigit ang Php1 milyong halaga ng shabu mula sa isang High Value Indibidwal sa isinagawang drug-buy bust operation ng mga awtoridad sa kahabaan ng Purok 5 Barangay Osias, Municipality of Kabacan, North Cotabato nito lamang Enero 22, 2025.
Kinilala ni Police Lieutenant Colonel John Miridel R Calinga, Officer-In-Charge ng Kabacan Municipal Police Station, ang suspek na si “Mabs”, 38 anyos, walang trabaho at residente ng Pikit, North Cotabato.
Bandang 7:56 ng gabi, ikinasa ng mga tauhan ng Kabacan MPS, PDEG-SOU12, at RPDEU 12 ang operasyon na nagresulta ng pagkaaresto ng suspek.
Nakumpiska mula sa suspek ang walong pakete ng hinihinalaang shabu na may kabuuang bigat na 150.5 gramo at nagkakahalaga ng Php1,023,400 at mahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Hindi titigil ang kampanya ng pulisya laban sa ipinagbabawal na gamot. Mas pinapaigting pa ang mga operasyon para matigil na ang bentahan at paggamit ng iligal na droga na nakakasira ng buhay at kinabukasan.
Panulat ni Patrolwoman Vina C Morales
