Nakumpiska ang tinatayang Php148,648 halaga ng hinihinalang shabu mula sa isang Street Level Drug Personality nito lamang Oktubre 18, 2024 sa Alley 12, South San Juan, Barangay Centro Agdao, Davao City.
Kinilala ni Police Major Richeen M Lagnayo, Acting Station Commander ng Sta. Ana Police Station, ang suspek na si alyas “Den-den”, 29 anyos, isang window installer at residente ng Nagsil Village, Barangay Centro Agdao, Davao City.
Narekober mula sa suspek ang humigit kumulang 21.86 gramo ng hinihinalang shabu at mahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Samantala, ang Police Regional Office 11 ay patuloy na nakatuon sa mas pinaigting na laban kontra kriminalidad at ilegal na droga alinsunod sa kampanya ng Bagong Pilipinas na panatilihan ang kapayapaan at kaayusan tungo sa pagsulong ng bansa.
Panulat ni Patrolwoman Shairra Rose A Aquino
