Davao City – Tinatayang aabot sa Php122,880 halaga ng hinihinalang shabu ang nasabat sa isinagawang buy-bust operation ng PNP sa Purok 5, San Pedro Street, Brgy. 2-A, Davao City, noong Hulyo 18, 2023.
Kinilala ni Police Major Marvin Hugos, Station Commander ng San Pedro Police Station, ang suspek na si alyas “Jason”, 42, residente ng Purok 15, Sanasa Street, Brgy.76-A, Davao City at kabilang sa mga High Value Individual sa lugar.
Ayon kay PMaj Hugos, naaresto ang suspek sa isinagawang buy-bust operation ng pinagsamang tauhan ng San Pedro PS at PDEA XI.
Dagdag pa ni PMaj Hugos, nakuha mula sa suspek ang ilang pakete ng hinihinalang shabu na may bigat na humigit kumulang na 7.68 gramo at may street market value na Php122,880 at ang marked money na ginamit sa operasyon.
Mahaharap sa kasong paglabag sa Republic Act 9165 o Comprehensive Dangerous Drugs Act of 2002 ang nasabing suspek.
Ang laban kontra ilegal na droga sa Rehiyon Onse ay nagiging mas epektibo dahil sa tulong na ibinibigay ng mga mamamayan sa kapulisan at nagbubunga ng matagumpay na mga operasyon.
Panulat ni Patrolman Alfred Vergara
