Tinatayang mahigit Php1.3 milyong halaga ng shabu ang nasamsam ng mga operatiba ng Police Station 2 ng Bacolod City Police Office (BCPO) sa naarestong High Value Individual sa Purok Lampirong, Barangay 2, Bacolod City, dakong 1:30 ng madaling araw nito lamang ika-7 ng Marso 2025.
Kinilala ni Police Major Eugene G Tolentino, hepe ng Police Station 2, Bacolod City Police Office, ang suspek na si alyas “Alfie,” 40-anyos, walang trabaho, residente ng nasabing lugar at naitalaga bilang High Value Individual.
Nakuha sa pag-iingat ng suspek ang apat (4) na knot tied plastic sachet ng hinihilang shabu na may tinatayang bigat na humigit kumulang 200 gramo at may Standard Drug Price na tinatayang Php1,360,000.
Nahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Muling nananawagan ang Bacolod City Police Office sa publiko na makipagtulungan sa pamamagitan ng pagbibigay ng impormasyon ukol sa mga kahina-hinalang aktibidad upang mas mapabilis ang paglaban sa iligal na droga.
Patuloy na naninindigan ang Bacolod City Police Office (BCPO) sa kanilang misyon na labanan ang iligal na droga at panatilihin ang kapayapaan sa lungsod.
Sa pamamagitan ng walang sawang operasyon at pakikiisa ng komunidad, mas mapapalakas ang kampanya ng Philippine National Police kontra iligal na droga at kriminalidad sa bansa.
Panulat ni Pat Andrea Dominique Depalubos
