Tagumpay ang Operation Christmas Drop ng Negros Occidental Police Provincial Office na pinangunahan ni Police Lieutenant Judesses Catalogo, Deputy, Provincial Community Affairs and Development Unit sa ilalim ng pangangasiwa ni Police Colonel Romy Palgue, Provincial Director, alinsunod sa kautusan ni Police General Dionardo Carlos, Chief PNP at Police Brigadier General Flynn Dongbo, Regional Director ng Police Regional Office 6 sa mga residente sa Sitio Saugan at Sitio Lisboo sa Brgy Vista Alegre, Ilog, Negros Occidental nitong Disyembre 31, 2021.
Ang Bayan ng Ilog sa Negros Occidental ay isa sa mga bayan sa nasabing probinsya na lubhang napinsala sa hagupit ni bagyong Odette noong Disyembre 2021 bago ang kapaskuhan. Kaya walang humpay ang pamamahagi ng mga relief goods at tulong pinansyal ang iba’t ibang ahensya ng pamahalaan at iba pang Non-Governmental Organizations katuwang ang ating pambansang pulisya sa mga nasalantang Negrense.
Taos-puso namang nagpapasalamat si PCol Romy Palgue at ang buong NOCPPO sa suporta at mga donasyong naibigay sa kanila na tinatayang nasa Php1,357,580 mula sa Lokal na Pamahalaan ng Negros Occidental sa pamumuno ni Governor Eugenio Jose Lacson at iba pang mga stakeholders para sa mga biktima ng bagyo . Napakalaking tulong na ito para sa ating mga kababayang lubos na naapektuhan sa nasabing bagyo.
######
Panulat ni: Pat Kher Bargamento
