Nasabat ng pulisya ang mahigit Php1.2 milyong halaga ng ilegal na droga sa buy-bust operation ang Iloilo Police Provincial Office PDEU-SOG sa Barangay Bagumbayan, Tigbauan, iloilo nito lamang ika-12 ng Agosto 2024.
Kinilala ni Police Colonel Bayani M Razalan, Provincial Director ng Iloilo Police Provincial Office, ang naarestong suspek na si alyas “Jerric”, 35 anyos, walang asawa, nakala bilang High Value Individual at residente ng Tigbauan, iloilo.
Nakumpiska pa ang walong (8) piraso ng katamtamang laki na heat-sealed transparent plastic sachets, dalawang (2) piraso ng knot-tied transparent plastic sachets, buy-bust money na nagkakahalaga ng Php14,000 kasama ang Php100 bill na may serial mumber DF191556 (Marked money), dalawang (2) digital weighing scales, tatlong (3) glass pipes, apat (4) na lighter, at iba’t ibang non-drug items.
May kabuuang humigit-kumulang 180 gramo ng pinaghihinalaang shabu na may Standard Drug Price na tinatayang Php1,224,000 ang nasabat sa suspek.
Ang suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Patuloy ang kampanya ng Iloilo PNP na labanan ang ilegal na droga at hulihin ang mga taong nagpapalaganap nito upang mapanatili ang kaayusan at katahimikan sa Western Visayas.
Source: ILOILO PPO
Panulat ni Pat Ryza Valencia
