Tinatayang Php1,020,000 milyong halaga ng shabu ang nasabat sa naarestong limang drug suspek sa ikinasang buy-bust operation ng pulisya sa Barangay San Jose, Ormoc City nito lamang Hunyo 20, 2024.
Kinilala ni Police Major Omar Roel B Cartalla, Station Commander ng Police Station 3 ng Ormoc City Police Office, ang mga suspek na sina alyas “Toper”, 42, HVI at Rank No. 5 sa Regional Level; alyas “Aileen”, 32; alyas “Tito”, 48;, alyas “Jhony”, 24;, at si alyas “Richard”, 40, na pawang mga residente ng Barangay Labrador, Ormoc City.
Bandang 4:25 ng hapon ng ikasa ang operasyon ng mga tauhan ng PS3 Ormoc City Police Office, PS6 OCPO, PS2 OCPO, City Intelligence Unit, Ormoc City Police Office at Regional Intelligence Division at sa koordinasyon sa PDEA 8.
Nakumpiska sa mga suspek ang 30 pakete ng hinihinalang shabu na may tinatayang timbang na 150 gramo na nagkakahalaga ng Php1,020,000, isang 500-peso bill na buy-bust money at isang unit ng caliber .45 pistol na may pitong bala.
Ang mga suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act.
Patunay na ang hanay ng PNP ay hindi titigil upang hulihin ang mga taong lumalabag sa batas at hinihikayat ng pulisya ang komunidad na makipagtulungan at agad na isumbong sa mga awtoridad kung sakaling may makitang kahina-hinalang gawain sa kanilang lugar.
Panulat ni Patrolwoman Camberleigh D Flores
