Itinalaga ang mahigit 1,000 pulis bilang bahagi ng taunang paggunita sa ika-83 Anibersaryo ng Araw ng Kagitingan, ang mga tauhan ng Bataan Police Provincial Office sa Bataan nito lamang Miyerkules, ika-9 ng Abril 2025.
Naging matagumpay ang aktibidad sa ilalim ng pamumuno ni Police Colonel Marites A Salvadora, Chief of Police ng Bataan Police Provincial Office, katuwang ang Armed Forces of the Philippines, Bureau of Fire Protection, at Philippine Coast Guard.
Ipinapakita ng pagtutulungang ito ang patuloy na dedikadyon ng Bataan PNP sa pagbibigay ng proteksyon at seguridad sa publiko, lalo na sa mga mahahalagang pambansang okasyon na nagbibigay-pugay sa kabayanihan ng mga Pilipinong sundalo noong ikalawang digmaang pandaigdig.
Layunin nitong tiyakin ang kaligtasan, kaayusan, at kapayapaan ng selebrasyon ng ika-83 Araw ng Kagitingan, maiwasan ang anumang banta sa seguridad, ipakita ang kahandaan ng mga ahensya, at suportahan ang makabuluhang paggunita sa kabayanihan ng mga sundalong Pilipino.
Panulat ni Pat Bulahao
