Tiklo ang isang magsasaka matapos maihain ang search warrant sa kasong paglabag sa Republic Act 10591 o “Comprehensive Firearms and Ammunition Regulation Act” sa Purok Liberty, Brgy. Esperanza, Norala, South Cotabato nito lamang ika-26 ng Setyembre, 2024.
Kinilala ni Police Brigadier General James E Gulmatico, Officer-In-Charge ng Police Regional Office 12, ang suspek na si alyas “Ren”, 57 anyos, may asawa, magsasaka, residente ng naturang lugar.
Bandang 8:30 ng umaga nang maaresto ang suspek ng mga tauhan ng Criminal Investigation and Detection Group 12 South Cotabato Provincial Field Unit at Norala Municipal Police Station sa bisa ng search warrant sa kasong paglabag sa RA 10591. Nakuha mula sa operasyon ang isang unit unit na home made 12 gauge shot gun na walang serial number, isang unit ng caliber .45 pistol, Colt Government Model na may serial number: 388099, tatlong piraso na live ammunition para sa 12 gauge shot gun at isang pirasong magazine na naka-assemble para sa caliber .45 pistol.
Kasong paglabag sa Section 28 ng Republic Act 10591 at Section 1 ng RA 9516 o penalty of Reclusion perpetua kaugnay ng PD 1866 ang inihanda laban sa suspek.
Ang matagumpay na pagkakaaresto sa suspek ay patunay lamang sa epektibong pagpapatupad na naayon sa direktiba ng ating Pangulo Ferdinand “Bong-bong” Marcos Jr., sa sinumpaang tungkulin ng PNP na maghatid ng serbisyo publiko para sa mas maayos, maunlad, at mapayapang Bagong Pilipinas. Panulat ni Patrolwoman Emelou Pedroso
