Tiklo ang isang magsasaka sa hindi lisensyadong baril matapos magsagawa ng operasyon ang otoridad sa Barangay Wadya, Banisilan, Cotabato bandang 7:50 ng umaga nito lamang Oktubre 14, 2024.
Kinilala ni Police Major Arvin John B Cambang, Acting Chief of Police ng Banisilan Municipal Police Station, ang suspek na si alyas “Mark”, nasa wastong gulang, magsasaka at residente ng naturang lugar.
Nasamsam mula sa suspek ang isang yunit ng cal.38 na baril, apat na bala at isang basyo at mahaharap sa kasong paglabag sa Republic Act 10591 o “Comprehensive Firearms and Ammunition Regulation Act”.
Tiniyak naman ng Banisilan PNP na patuloy ang kampanya laban sa lahat ng uri ng kriminalidad at mapanatili ang kaayusan at kapayapaan ng ating bansa.
Panulat ni Pat Flora Mae Asarez
