Boluntaryong isinuko ng isang magsasaka ang mga armas at granada sa Munai PNP sa Maganding, Munai, Lanao del Norte nito lamang ika-5 ng Agosto 2024.
Kinilala ni Police Colonel Roy A Magsalay, Provincial Director ng Lanao del Norte Police Provincial Office, ang nagturn-over na si alyas “Dodong”, 30 anyos, may asawa, magsasaka at residente ng Maganda, Munai, Lanao del Norte.
Bandang 5:00 ng hapon nang personal na pumunta si alyas “Dodong” sa Munai PNP para kusang-loob na isuko ang isang granada, Hand Fragmentation MK2 at baril na natagpuan lamang nito sa pinangyarihan ng engkwentro sa pagitan ng Philippine Army at DI-MG noong Abril 29, 2024.
Ang pinaigting na kampanya laban sa loose firearms at granada ay naglalayong mapanatili ang kapayapaan at seguridad sa komunidad sa pamamagitan ng pagbawas sa mga insidente ng karahasan at krimen. Nilalayon din nito na suportahan ang batas at kaayusan sa bansa.
