Pinangunahan ni Police Brigadier General Steve B Ludan, Regional Director ng Police Regional Office 2, ang blessing at turn-over ng Pabahay ng PRO2 Lingkod Bayanihan Project kina Ginoo at Ginang Roger Cardenas, na residente ng Barangay Alannay, Lasam, Cagayan, noong ika-15 ng Oktubre 2021.
Si Mang Roger ay isang magsasaka at si Ginang Roxanne naman ang nag-aalaga sa kanilang dalawang (2) anak. Ang panganay ay apat (4) na taong gulang, may kapansanan at ang bunso ay tatlong (3) taong gulang.
Maliban sa pabahay ay nakatanggap din sila ng tatlong (3) sako ng bigas, grocery items, beddings, gas stove, electric fan, at cash gift.
“Nagpapasalamat ako sa mga kapulisan dahil sa kanila ay naisakatuparan ang pangarap naming magkaroon ng maganda at maayos na masisilungan, ani Mang Roger.
Ang aktibidad ay nasaksihan nina Mayor Dexter Agatep ng Lasam, Cagayan; Vice Mayor Randy Cambe; Rev. Fr. Gernando Caurel, Municipal Parish Priest; Barangay Captain Fulgencio Soriano; Pastor Danny Punay, Regional Life Coach, My-Brothers-Keeper (MBK); Pastor Rogelio Requizo, Life Coach at KKDAT Officers at Members ng naturang Bayan.
Sa mensahe ni PBGen Ludan, ipinapakita ng BARANGAYanihan ang natural na katangian ng mga Pilipino na magmalasakit sa isa’t isa sa oras ng mga sakuna at problema. Dagdag pa niya, importante ang Pabahay Project lalo na ngayong marami sa ating mga kababayan ang nawalan ng trabaho at kabuhayan na dulot ng pandemya.
Ang Lingkod Bayanihan Pabahay Project ng Police Regional Office 2 ay magpapatuloy sa pagtupad ng pangarap ng mga kababayan nating salat sa buhay. At upang mas marami pang pamilya ang mabigyan ng maayos na bubong na masisilungan.
#####
Article by Police Corporal Mary Joy D Reyes
