Arestado ang isang magsasaka sa isinagawang search warrant operation ng mga otoridad sa Purok 6, Barangay Kitacubong, Alamada, Cotabato noong ika-20 ng Oktubre, 2024.
Kinilala ni Police Major Dennis M Yuson Jr., Hepe ng Alamada Municipal Police Station, ang suspek na si alyas “Totot”, 57 anyos, may asawa, magsasaka at residente ng nasabing lugar.
Naging matagumpay ang nasabing operasyon sa pinagsamang pwersa ng mga tauhan ng Alamada Municipal Police Station at PDEA 12.
Nakumpiska mula sa suspek ang 21 pakete ng heat-sealed transparent plastic sachet ng hinihinalang shabu, na tumitimbang ng tatlong (3) gramo na nagkakahalaga ng Php20,400 at iba pang non-drug items.
Mahaharap ang suspek sa kasong paglabag sa Artikulo II ng Republic Act 9165 o “Comprehensive Dangerous Drugs Act of 2002”.
Patunay lamang na ang Pambansang Pulisya ng Pilipinas, katuwang ang ibang ahensya ng gobyerno, ay patuloy sa pagsugpo sa mga ilegal na gawain alinsunod sa kampanya na panatilihin ang kapayapaan at kaayusan tungo sa Bagong Pilipinas.
Panulat ni Pat Flora Mae Asarez
