Arestado ang isang magsasaka sa kasong Murder sa isinagawang paghahain ng Warrant of Arrest ng mga awtoridad sa Barangay Katico, President Quirino, Sultan Kudarat nito lamang ika -16 ng Hulyo 2024.
Kinilala ni Police Major Joemari Y Cua, Officer-In-Charge ng President Quirino Municipal Police Station ang nahuli na si alyas “Pol”, 30 anyos, magsasaka at residente ng Barangay Angkayamat, Sultan, Barongis, Maguindanao del Sur.
Naging matagumpay ang operasyon sa pangunguna ng mga tauhan ng President Quirino MPS at sa pakikipagtulungan ng 12th Mechanized Company, 1st Mechanized Battalion, Armor Division Philippine Army, Sultan Kudarat CIDG PFU 12, RSOG 12, 1st SKPMFC, 1202nd Maneuver Company ng Regional Mobile Force Battalion 12 at Lambayong Municipal Police Station na nagresulta ng pagkadakip ng suspek.
Mahaharap ang suspek sa kasong Murder na walang inirekomendang piyansa.
Hindi titigil ang hanay ng PNP sa pagsasagawa ng mga operasyon kontra kriminalidad. Patuloy na tutugisin ang mga taong may pananagutan sa batas para sa mas maayos at mas ligtas na komunidad.
Panulat ni Patrolwoman Vina C. Morales
