Matagumpay na napasakamay ng mga awtoridad ang isang Wanted Person na may kasong Rape at Lascivious Conduct dakong 9:30 ng umaga sa Barangay Poblacion West, Sta. Cruz, Ilocos Sur nitong ika-29 ng Disyembre 2024.
Tinukoy ang suspek na si alyas “Botet”, isang magsasaka, 60 taong gulang at residente ng Barangay Calaoaan, Sta. Cruz, Ilocos Sur.
Naaresto ang suspek sa bisa ng Warrant of Arrest dahil sa mga kasong Statutory Rape at Lascivious Conduct na parehong walang inirekomendang piyansa.
Patuloy ang epektibong pagganap ng mga kapulisan sa kanilang tungkulin na panatilihing ligtas at payapa ang pamayanan sa pamamagitan ng pagtugis at pag-aresto sa mga indibidwal na may pananagutan sa batas.
Source: Sta. Cruz MPS, Ilocos Sur PPO
Panulat ni PMSg Bader Ceasar Ayco
