Southern Leyte – Arestado ang isang magsasaka sa kasong Frustrated Murder ng mga tauhan ng Maasin City Police Station sa Brgy. Combado, Maasin City, Southern Leyte nito lamang Abril 4, 2023.
Kinilala ni Police Lieutenant Colonel Jayson Balbarona, Acting Chief of Police ng Maasin CPS, ang naarestong suspek na si alyas “Jerry”, 48, at residente ng Maasin City, Southern Leyte.
Naaresto ang suspek sa bisa ng Warrant of Arrest sa kasong Frustrated Murder na may inirekomendang piyansa na Php200,000 para sa kanyang pansamantalang kalayaan.
Patuloy ang kapulisan ng Southern Leyte sa pagpapaigting ng kampanya kontra kriminalidad upang mahuli ang may mga pananagutan sa batas.
