Negros Occidental – Arestado sa buy-bust operation ng San Carlos City Police Station ang magnobyong kabilang sa mga High Value Individual sa Brgy. Palampas, San Carlos City, Negros Occidental, nito lamang ika-1 ng Marso 2023.
Kinilala ni Police Lieutenant Colonel Jesus Mesahon Jr., Hepe ng San Carlos CPS, ang mga suspek na sina Herfrance Tuhao, 21, High Value Individual, residente ng Fatima Village, Brgy. Rizal, San Carlos City at ang nobya nitong 18 anyos na babae, na residente naman ng Brgy. 6, San Carlos City, Negros Occidental.
Narekober sa mga suspek ang 18 piraso ng heat-sealed transparent plastic sachet na naglalaman ng suspected shabu na may timbang na 63.51 gramo na may market value na Php431,868, Php1,000.00 bill na buy-bust money at iba pang mga non-drug items.
Mahaharap ang dalawang suspek sa kasong paglabag sa RA 9165 o ang Comprehensive Dangerous Drugs Act of 2002.
Ang San Carlos City PNP ay patuloy na paiigtingin ang kampanya kontra ilegal na droga at iba pang uri ng kriminalidad upang mapanatili ang kaayusan at katahimikan sa kanilang nasasakupan.
