Camarines Sur – Arestado ang magkapatid na tulak ng ilegal na droga sa inilunsad na Search Warrant Operation ng Baao PNP sa Barangay Sagrada, Baao, Camarines Sur nito lamang Marso 20, 2023.
Kinilala ni Police Major Divino John Pelea, Hepe ng Baao Municipal Police Station, ang magkapatid na suspek na sina alyas “Junior”, 37, magsasaka at si alyas “Kulay”, 43, na parehong mga residente ng Zone 1, Barangay Sagrada, Baao, Camarines Sur.
Ayon kay PMaj Pelea, unang inahain ang Search Warrant laban kay alyas “Junior” bandang 9:50 ng umaga sa kanyang tinitirhan sa Zone 1, Barangay Sagrada, Baao, Camarines Sur na nagresulta sa pagkakakumpiska ng apat (4) na pirasong plastic sachet ng hinahinalang shabu na may timbang na 5.4 gramo na nagkakahalaga ng Php35,000 at mga drug paraphernalia.
Samantala, bandang 10:50 ng umaga naman nang sunod na inihain ang Search Warrant laban kay alyas “Kulay” na nagresulta sa pagkakakumpiska ng tatlong (3) pirasong plastic sachet ng hinihinalang shabu na may timbang na 6.0 gramo at nagkakahalaga ng Php48,000.
Mahaharap ang mga suspek sa kasong paglabag sa RA 9165 o ang Comprehensive Dangerous Drugs Act of 2002.
Ang matagumpay na operasyon ay bunga ng walang tigil at mas pinaigting na kampanya ng Baao PNP kontra ilegal na droga upang mapanatili ang kaayusan at gawing drug free ang bayan ng Baao mula sa ipinagbabawal na gamot.
Source: BAAO MPS CSPPO
