Caloocan City — Tinatayang Php408,000 halaga ng umano’y shabu ang nasamsam ng Northern Police District sa dalawang High Value Individual nito lamang Huwebes, Abril 20, 2023.
Kinilala ni PBGen Ponce Rogelio Peñones Jr., District Director ng NPD, ang mga suspek na sina alyas “Dudong”, 45, vendor; at alyas “Tata”, 40, tricycle driver, magkapatid at pawang naninirahan sa Lungsod ng Caloocan.
Ayon kay PBGen Peñones Jr, nagsagawa ng buy-bust operation ang District Drug Enforcement Unit ng NPD, bandang 1:40 ng madaling araw sa kahabaan ng NHC-LD Road, Brgy. 186 sa Caloocan na nagresulta sa pagkakaaresto ng mga suspek.
Nakumpiska sa kanila ang isang pirasong medium at large size na heat sealed transparent plastic sachet na naglalaman ng puting crystalline substance na pinaghihinalaang shabu na may kabuuang timbang na 60 gramo at may Standard Drug Price (SDP) na Php408,000; at isang genuine Php500 na may kasamang pitong piraso na Php1,000 na boodle money na ginamit bilang buy-bust money.
Mahaharap ang magkapatid sa kasong paglabag sa RA 9165 o Comprehensive Dangerous Drugs Act of 2002.
Ang matagumpay na operasyon ng yunit na ito ay sa pamamagitan ng paggabay at suporta ni PBGen Peñones, Jr., upang maiwasan ang paglaganap ng ilegal na droga at ang masamang epekto nito.
Source: NPD PIO
Panulat ni PSSg Remelin M Gargantos
