Bacoor City, Cavite – Arestado ng mga tauhan ng Provincial Highway Patrol Team Cavite ang mag-asawang suspek sa kasong estafa, nito lamang Lunes ng umaga, Hunyo 13, 2022.
Kinilala ni Provincial Officer, PHPT- Cavite, PMaj Dante Aquino ang suspek na si Wilfredo Somo Y Manuit at asawa nitong si Catherine Somo Y Tenorio na mga residente ng Brgy. Maliwalo, Tarlac City, Tarlac.
Ayon kay PMaj Aquino, bandang 6:30 ng umaga nang maaresto ang mga suspek sa Brgy. Molino 2, Bacoor City, Cavite ng pinagsamang tauhan ng PHPT-Cavite at Warrant Section ng Bacoor City Police Station.
Ayon pa kay PMaj Aquino, naaresto ang mag-asawang suspek sa bisa ng Warrant of Arrest na may rekomendadong piyansa na Php18,000.
Ang mga suspek ay binasahan ng kanilang mga karapatan kung saan ginamit din ang Alternative Recording Device (ARD) sa naturang operasyon alinsunod sa alituntunin ng pagsusuot ng Body-Worn camera.
Sa pagpapatupad ng batas, ang tulong at pakikipag-ugnayan ng kapulisan sa mamamayan ang lubos na kailangan para sa mas mapayapang pamayanan.
###
Panulat ni Police Corporal Mary Metche A Moraera
